[13 July 1753]
Viri Illustres, Generosi, Magnifici, Prænobilissimi, Consules et Senatus, Domini mei propensissimi et honoratissimi!
Cum â Magnificentiis Vestris Dominus Franciscus de Voltaire ad petitum .7. Jul. pro Comunicatione Requisitionis Consiliariorum Borussicorum die 20. Jun. interpositum, decretum non obtinuerit, non gravabunt ͞preces pro extraditione istius documenti reiterari, ex quo solo patere possit, nec Eas
| 1. | detentionem ignominiosam et violentam Domini de Voltaire â Consiliariis Borussicis sub promisso ratihabitionis requisitionis et reversalium Regiarum oppignoratis bonis Suis 20. Jun. procuratam, proprio motu mandasse, nec |
| 2. | omnium ignaram Dominam Denis cujus nec mentio fit in literis requisitionis, per plateas sub conspectu curiosæ ac ignominiantis plebis ipsorum jussu tractam, in cubiculo â militibus Francofurtensibus ante portam expositis et Notario Dorn in ipsum cubiculum intromisso, ibiq3 per totam notem degente, exacte custoditam, nec |
| 3. | Secretarium Colliny vi talis mandati in conclavi suo reclusum fuisse, nec |
| 4. | cum in finem Consiliario Schmidt militem fuisse concessum, ut ejus conspectu et ignota violentiæ causa territo Domino de Voltaire, 80 Ludovicos aureos crûmena per vim extraheret, nec |
| 5. | cum Magnificentiæ Vestræ 21. Jun. Dominam Denis et Secretarium Colliny, requisitione ad eos non extensa, liberos esse jusserant, mandatum huic jussui contrarium, per quod, tribus ad huc Sequentib9 diebus detenti fuerunt, â Consiliariis Borussicis in apertam contumeliam Jurisdictionis Francofurtensis datum, Ipsorum aut ratihabitionem aut approbationem obtinuisse, potius 9to |
| 6. | si quid ex potestate â Magnificentiis Vestris tradita, vel leviter vel Sinitre patratum vel concessum fuerit, id ab ipsis omnino autoribus suis relinqui. |
Patet nunc ex litteris Domini Abbatis de Prades ad dominam Denis directis et Magnificentiis Vestris traditis, Augustissimum Borussiae Regem, ne quidem detentionem Domini de Voltaire approbasse, cui Scilicet extraditis. 17. Jun. poêmatibus, ante quorum extraditionem ex civitate pedem non movere promiserat, impletaq3 conditione, quocunque divertere vellet, per Regem omnino licebat.
Multo vero magis caetera inauditae violentiae capita, nomisi contra criminis perduellionis reos locum habentia, plane ad personas Regi ignotas extensa, Regio consensu destituunt.͞
Justissimis igitur querelis Domini de Voltaire et Consortium null19 criminis reorum, omnino locus est. Omnia vero hæc cum sub autoritate Inclyti Senatus gesta Sint, neque vero sibi persuadere possit Domin9 de Voltaire ipsius mandato gesta, quid magis naturale, quid rectiori juris via peteret, quam ut copia sibi concedat ͞illorum documentorum ex quibus elucescat Inclytum Senatum civitatis justitia et comerciis florentis neque summæ ignominiæ contra peregrinos Regis Christianissimi Subjectos plane imocuos, neq3 apertissimæ rapinæ autoritatem accomodasse, neque contra laudatissimum Consilium coram Tribunalib9 Imperii, sed contra eos qui promissa requisitione Regia et non allata, injuriam qua privati intulerunt coram Augustissimo Domino Suo locum esse.
Id et fama Rei publicæ latrocinia abhorrentes, et honos Senatorum Jurisdictionis demandatæ â peregrinis infractæ, defensorum, nec perperam gesta probantium, et comunia naturæ officia, quod sibimet ipsis inferri nolim,͞ aliis inferre abhorrentia, et religio erga oppressos postulant eo magis, cum nec criminis reis, finito negocio cujus causa carceri mancipati fuerunt, copia actorum ipsos concernentium denegari Solent, nec de Jure debeat.
De cætero cum ex testib ͞fide dignissimis et ab ipso Dorn allegatis plenissimo ex legum præscripto testimonio nunc constet dictum Dorn, vim sibi â Domino de Voltaire Sclopeto in ipsum directo, intentatum, Solum hunc in finem prætexuisse, ut pecunias â Consiliario Schmidt isti abreptas, reportandi ac denuo gravandi occasionem nancisceret ͞enixissime petit Dominus de Voltaire ut Magnificentiæ Vestræ dicto Schmidt civi Suo, qui per cautionem â se interpositam Jurisdictioni Ipsarum omnino Se Submisit, nec mandato Regio destitu,͞ magis quam respectu contractuum mercantilium vel delictorum suorum declinare possit, dictarum pecuniarum extraditionem Serio velint injungere, et manu forti retraditionem illarum curare, quae nec Ipsis concedentibus, nec Augustissimo Rege, nec ipsis Ministris requirentib,͞ privata autoritate abrepta Sunt.
In id igit ͞collimant petita infra Scripti et sub signo ⊙ apposito mandato instructi Notarii, velint Magnificentiae Vestrae
| 1. | copiam requisitionis Consiliariorum Borussicorum de 20 Jun. a. c. concedere. |
| 2. | Consiliarium Schmidt ad retraditione mpecuniarum ereptarum adigere. Quibus de cætero omni obsequii studio devinctum se profitet͞ |
Magnificentiis Vestris
devotissim ͞et subjectissim͞
Joh. Christian Boehm Not. Caes. Pub. Jur. Mand. Nomine.