| Type de texte | source |
|---|---|
| Titre | Tractatus desideratissimus de communione seu societate, deque lucro item ac quaestu, damno itidem ac expensis, primum in Germania ab Angelo Felicio factus: omnibus tum in scholis tum in foro versantibus utilis ac necessarius : Accessit demum index rerum, verborum ac materiarum locuplentissimus |
| Auteurs | Felici, Ettore |
| Date de rédaction | |
| Date de publication originale | 1606 |
| Titre traduit | |
| Auteurs de la traduction | |
| Date de traduction | |
| Date d'édition moderne ou de réédition | |
| Editeur moderne | |
| Date de reprint |
(caput VII, "De his, qui contrahere prohibentur ex defectu naturalis sanitatis", §13-14)
Et ex amore, quo ducimur ad vitam activam, consistente in videndis atque conversandi oblectatione, prædicta etiam de amore voluptuoso dici non possunt. Quinimo affirmandum est, amorem istum inter homines amicitias indissolubiles, societatesque frequentes parere, hominibus omnibusque viventibus pacem et cubile securum elargiri. Dicitur bonorum studiosus, malorum spretor, in labore, in timore, in desiderio, in sermone gubernator, perfectus adiutor, servatorque præcipuus. Cum primum amor iste afflaverit ruditas ab hominibus removetur, et isto amore duce virtutes omnes cognitæ, et artes liberales inventæ fuerunt, et exercentur, Platon in convi. in 2. orat.
Et me legisse recordor, picturam et sculpturam a muliere quadam virum suum amante inventas fuisse. Etenim mulier quædam in civitate Corinthi, quæ amati viri ad bellum proficiscentis imaginem in sui absentia semper præ oculis retinere cupiebat, quemadmodum in corde indelebiliter sculptam conservabat, dum viri facies apposita ad lucernæ lumen umbram in muro reddebat, accepto carbone leviter, quasi tenui designatæ partes, et si chari et amati viri imaginem designavit et pinxit, qua visa, eius pater, qui figulus erat, accepto luto, levi manu ad imaginis similitudinem statuam fecit, et eam coxit in fornaci cum suis vasibus, et ita cæteri postea ex imagine illa pingere,et ex illa statua fingere didicerunt.
Dans :Dibutade et la jeune fille de Corinthe(Lien)