Francofurti ad Menum die sexta julii 1753

Laudabili et venerabundo concilio,

domina Denis, Franciscus de Voltaire, et Cosimo Colini florentinus, sacræ imperialis subditus nuper in carcerem in hac urbe conjecti laudabilis concilii justitiam adhuc implorant.

In concilii manibus nunc est majestatis Borussiæ epistola in hujus nomine regis scripta Potsdam die junii ultima, quæ declarat nusquam dominam Denis in carcerem mittendam fuisse et Franciscum de Voltaire liberum iter suum pergere debuisse dum redderet quæ rex petebat, et his quæ rex petebat redditis, liberum esse debere.

Nunc constat ministrum Freitag, et mercatorem Smith in hac urbe imperiali tres innocuas personas in vinculis habuisse die vigesima junii, et hoc facinus perpetravisse libenter eo quod dixerunt urbis prefecto hac ipsa die, mandatum et jussum sine mora esse allaturum e rege Borussiæ, ad has tres personas in carcerem mittendas.

Regis Borussiæ nullum mandatum venit, e contrario, accepta est a regis eecretario de Prade in nomine regis epistola, quæ illas personas liberas declarat.

Itaque cum reverentia requirunt domina Denis, Franciscus de Voltaire, et Cosimo Colini, ut Francisco de Voltaire tradentur eorum persecutoris Smith, et Freidag, requisitiones, per quas Smith, jussum regis Borussiæ spopondit, et omnia sua bona in medium attulit, quæ suam persecutionem et violentiam sustinerent.

Hoc memoriale a Smith exhibitum Franciscus de Voltaire enixe petit tanquam solum adjuvamen in sua infelicitate, et solum propugnaculum cujus ope possit contendere, ut queat pecuniam suam a Smith abreptam recuperare et sua, et dominæ Denis extrema damna reparare.

Sic precantur,

Voltaire Denis Colini