Genevæ sept. 22, 1776

Voltairo, ut invidiâ sic laude majori, Georgius Hardinge, Anglicanus, Musarum charitumque amans, humanitatis amantior, salutem, propitia ͞omnia.

Sit etiam nobis " Vergilium tantùm udisse" — excusatam hanc etiam nostra sumat in se arrogantiam pietas hoc se honore digentur. Intueri liceat lato meliore effectum et paenè cælestem virum, qui labantem solus inter suos eloquentiam poesin ac philosophiam sustinet, qui primus in omni literarum circuitu et exercitatione victor arripuit, versatili quadam et felici admodum acuminis varietate et copiâ præditus, qui denique veterum Athenarum Augustique temporum delicias in se transtulit, fecitque ut secum commorentur, penatum suorum hospites, et amicissimâ secum consuetudine societae.