Il passe une grande cour pavée de marbre ; il monte l’escalier ; il entre dans la salle des gardes, qui estoient rangez en haye, la carabine sur l’épaule, et ronflans de leur mieux. […] La jeune reine avoit vingt ans passez, sans compter les cent ans qu’elle avoit dormi : sa peau estoit un peu dure, quoyque belle et blanche ; et le moyen de trouver dans la ménagerie une beste aussi dure que cela ? […] Le lendemain, il luy redemanda les clefs ; et elle les luy donna, mais d’une main si tremblante qu’il devina sans peine tout ce qui s’estoit passé. […] Dans le temps qu’il se baignoit, le roy vint à passer, et le Chat se mit à crier de toute sa force : « Au secours ! […] Le Chat, qui eut soin de s’informer qui estoit cet ogre et ce qu’il sçavoit faire, demanda à luy parler, disant qu’il n’avoit pas voulu passer si prés de son chasteau sans avoir l’honneur de luy faire la réverence.