Cette bassesse apparente, auec laquelle les Poëtes Comiques s’accommodent à leur matiere, & cette modeste expression des actions ordinaires, ne laissent pas d’auoir vne dignité secrette, & telle que la vertu la donne aux personnes de moyenne condition. […] Ces Escriuains monstrueux, & plus esloignez de la vertu des Anciens, j’vse d’vne de leurs comparaisons, que l’Enfer n’est esloigné du Ciel Empirée, ont sans doute ouy parler de la Doctrine du Theatre, & de la partie Morale de la Comedie. […] D’ordinaire on oppose les vertus ciuiles aux militaires : La Philosophie, & particulierement la Philosophie Stoïque, est vne source escartée, où le menu Peuple ne puise point. […] Vous n’oüistes iamais tant de brauades contre la Fortune : Vous ne vistes jamais estimer si hautement la Vertu, ny mespriser si genereusement les choses humaines. […] Ce sont les ruses & les stratagemes de la Vertu.