Maxime Euesque de Turin, qui viuoit en l’an 400. de nostre salut faict foy que long temps auant luy les saincts Peres auoient ahané pour tollir & aneantir les masques, & qu’il estoit contrainct de reprendre leurs brisees, à fin de poursuiure & cõbatre ces monstres des masquarades. […] que le Roy Rotarit appelle VValapaus : par Arrest du Parlement fut deffedu à tous marchans de Paris de vendre & tenir masques, & trois hommes vils trouuez masquez furent condamnez à estre fustigez de verges au preau de la Conciergerie & banniz pour quelque temps : Bref par autre Arrest subsequent fut deffendu de porter & vẽdre masques & par plusieurs Arrests des Cours souueraines, & speciallement en ceste ville par les ordonnãces de mes predecesseurs y à presque cent ans long temps auant ces ordonnances & Arrests. […] cõme i’ay rapporté le confirme & s’escrie de ce que quelques ressemblances restoient encores en son siecle, qui ont bien passé oultre & sont venues iusques au temps du Patriarche Balsamon lequel note Syn. […] les Clercs de son temps qui en certaines festes de l’an masquez & trauestiz en soldats, en moines ou animaux, entroient dans la nef des Eglises, il en reste encores des vestiges en plusieurs endroicts qui veulẽt trop naïfuement representer la natiuité du fils de Dieu par le bœuf & l’asne. […] Perpete de Tours l’auoit long temps auparauant institué de 40.