Celuy cy se flase d’vn destin heureux, & doit estre bien receu selon le sentiment de nos Critiques ; & ils ont jugé qu’estant le premier qui s’est auisé de donner au Theâtre François vne face nouuelle, qui expose aux yeux des Spectateurs le bon vsage de la Comedie, & les deux sortes de personnes qui contribuent aux auantages que nous en tirons, il y aura peu de gens en France, de ceux méme qui condannent les spectacles, que le titre de mon Liure ne porte à lire ce qu’il promet. […] Mais le Latin est entendu, & des Acteurs & des Spectateurs. […] La bagatelle vn peu trop en regne Il seroit encore bon qu’on pust jnsensiblement accoûtumer les Spectateurs à prendre goust à des representations Comiques, où il y eust vn peu moins de bagatelles & plus de solide, & que le Poëte prenant des sujets éloignez de ceux qui ont autrefois serui à de pures farces, ne traitast que de choses bonnes & honnestes, qu’il pourroit agreablement tourner ; ce qui donneroit moins de prise à ceux qui dechirent la Comedie, le Comedien & le Poëte.