Il a decouuert en Vous le parfait caractere d’vn Grand Ministre d’Estat, & sur tout vn esprit laborieux & infatigable, ce qui luy a plû infiniment ; ce Grand-Prince qui sert d’exemple à ses peuples, estant bien aise de voir son image en ses principaux Ministres, & l’amour de la gloire qui ne se trouue pas moins dans le calme que dans l’orage, & à conseruer des Estats qu’à en aquerir, l’ayant endurci dans les trauaux. […] C’est vne feste publique, qui sert de couronnement aux nobles trauaux de toute vne année, & dans laquelle on distribuë des prix à la Ieunesse, qui a fourni sa carriere auec honneur. […] Mais sans besoin les Comediens ne se pressent point, & quand ils se sentent fermes dans leur étude, ils s’assemblent pour la premiere repetition, qui ne sert qu’à ébauchers & ce n’est qu’à la seconde, ou à la troisiéme qu’on commence à bien juger du succez que la piece peut auoir. […] L’Hostel de Bourgogne ne s’en sert plus, à la reserue de la porte du Theâtre, & en vertu de la Declaration du Roy elle prend des soldats du Regiment de ses Gardes autant qu’il est necessaire ; ce que l’autre Troupe qui a des portiers peut faire aussi au besoin.