Apres cela, MONSEIGNEVR, VOSTRE EXCELLENCE, pourroit elle me refuser son Illustre protection pour mon Theâtre François, & ne voudra-t elle pas bien être à la teste de cent mille honnestes gens qui parlent en sa faueur ? […] L’Histoire est rarement portée sur le Theatre dans toute sa pureté, & quand elle se trouue trop nüe, elle ne refuse pas quelques agrémens que l’inuention du Poëte luy peut donner. […] Ils n’attendent pas mesme que le trauail soit parfait, ils produisent vn premier Acte, & puis vn second, & vn troisiéme, & ne refusent pas l’ápuy des gens de qualité qui vantent la bonté de leurs ouurages. […] Ie ne les ay point flatez, le portrait que j’en ay fait est fidele, & ie n’ay pû le refuser à la priere de plusieurs honnestes gens, qui ont voulu les connêtre à fond pour auoir de quoy les defendre contre de fâcheux Critiques.