[NDA] « Publicorum peccatorum illecebras, quas homines depravatæ consuetudini errore decepti pro nihilo putant, Concionator perpetuo reprehendet, atque in summum odium adducere contendet ostendetque quam graviter Deum offendant.  […] In quam sententiam valdè populum confirmabit argumentis, quæ gravissimi viri, Tertullianus, Cyprianus Martyr, Salvianus et Chrysostomus afferunt : in eoque argumenti genere nullum aliud omittet, quo tanta corruptela radicitus extirpetur, choreas, saltationes ac tripudia, e quibus mortiferæ cupiditates excitantur, de suggestu sæpè graviter reprehendet atque infectabitur. « Scenicæ personatæque actiones unde tanquam quodam seminario semina malefactorum ac flagitiorum pene omnium existunt, quam a Christianæ Disciplinæ officiis abhorrentes quam valde cum paganorum institutis convenientes, atque diaboli astu inventæ omni officio à populo Christiano exterminandæ sint quam maxime poterit religione contendet.