N’opposez donc plus ceste coustume, elle est contraire aux loix diuines & humaines elle repugne à la doctrine des saincts Peres, combat les Conciles & saincts Decrets, & foule aux pieds les Edicts, les Arrests de la Cour, les ordonnances de vos Magistrats, bref elle est contre les bonnes mœurs, par consequent nulle de toutes nullitez : n’oppose plus ceste coustume, puis que le Diable l’a enfantee, l’idolatrie l’a fomentee, l’heresie l’a esleuee, & la desobeïssance l’a auctorisee : Balsamo Synod.