Il n’y a point de Pere de Famille, quelque seuere qu’il puisse estre à ses enfans, qui n’auoüe auec moy, que sans les Comediens mille ieunes gens qui les vont voir & passent innocemment tantost à vn hostel, & tantost à l’autre, d’eux ou trois heures d’vne apresdînée, jroient perdre ce tems là en des lieux de debauche, où leur ieunesse les emporteroit faute d’ocupation, & y laisser beaucoup plus d’argent qu’à la Comedie, où ils peuuent à la fois s’instruire & se diuertir.