Ie ne sçais s’il est moins blâmable de voir des hommes trauestis en femmes & prendre l’habit d’vn autre sexe que le leur, ce qui hors de pareilles occasions, & des temps ácordez aux rejouissances publiques, est punissable & defendu par les Loix. […] A oüir parler les gens qui se sont trouuez en de pareilles occasions, on ne se peut rien figurer de plus horrible que ces sortes de spectacles, & les seuls tableaux que les Peintres nous en donnent, nous font fremir. […] Ces personnes là n’y sont soúfertes que par l’excellence d’vn merite singulier dans la Profession ; ce qui en pareil cas force bien d’autres Communautez à la necessité de soufrir ce qu’elles ne peuuent empescher sans détruire leurs auantages. […] Quoy que leurs mœurs & coûtumes soient pareilles, & qu’elles obseruent les mémes loix, elles n’ont point d’Amphictions ny de Conseil General, comme les sept Villes de la Grece ; en vn mot ce ne sont pas des Estats Confederez, ny qui se veuillent beaucoup de bien l’vn a l’autre. […] I’en ay veu en de pareilles rencontres crier au Soufleur trop pront, de se taire, soit pour n’auoir pas besoin de son secours, soit pour faire voir qu’ils sont seurs de leur memoire, quoy qu’elle pust leur manquer.