La bonne education de leurs enfans ne doit pas estre oubliée, & les familles de Comediens que i’ay connües à Paris ont esté eleuées auec grand soin ; l’ordre en toutes choses estoit obserué, les garçons instruits dans les belles connoissances, les filles occupées au trauail, la table bonne sans y auoir rien de superflu, la conuersation honnête durant le repas, & en quoy que ce fust je n’ay point trouué de distinction entre leurs maisons & celle d’vn Bourgeois la mieux reglée. […] Que puisque j’ay esté si auant dans le détail des choses, & qu’en representant la face d’vn Estat Republicain j’ay donné vne liste exacte de ses Officiers, ie ne deuois pas oublier celle de ses Orateurs Illustres que l’on a souuent écoutez auec plaisir.