Augustin s’aygrit de l’excez de ceste liberté parlant des masques, aucuns d’entre-eux se vestoient de robes de femmes, ne rougissans point de honte de mettre leurs bras puissans & aguerriz dans des robes delicates à vsage de femme  : S. […] Ceste mesme effrenee liberté les emporte à prophaner l’habit des moines & hermites contre les loix qui les deffendent aux bastelleurs & Comediens, à plus forte raison aux masques sur peine de punition corporelle & de bannissement contre les infracteurs & contreuenans, ces loix Romaines nous obligent à les garder & entretenir en ce qu’elles sont ordonnees par Theodose, Arcade, Honore & Iustinian Empereurs Chrestiens, & sont conformes à la raison & à la bien-seance, L.