Et quand Varron dans le jugement qu’il fait des Poëtes, attribüe la Grandeur à Pacuue, & la Mediocrité à Terence, il n’a point dessein de preferer l’vn à l’autre, ny d’estimer dauantage le Grand que le Mediocre : Il veut seulement, Monsievr, par ces deux exemples representer l’idée & la forme des deux genres differens, à sçauoir de la Poësie Tragique, & de la Comique. […] Vn autre Amoureux fait des argumens en forme, pour faire des complimens plus reguliers, & prouue à sa maistresse par quatre passages d’Aristote, qu’elle doit auoir pitié de sa passion. […] Ils ont osté aux choses leur visage naturel, leur premiere & leur veritable forme, les marques & les signes, par lesquels elles se reconnoissent.