Recte enim atque sapienter Salomon, « Quasi per risum, inquit, stultus operatur scelus. » Turpia enim atque inhonesta factu, dictuque dum ridemus, approbamus : suoque pondere pravitas identidem in pejus trahit. […] Erunt enim qui pravitate cognita desinant peccare, salutemque suam turpi voluptate potiorem habeant : neque prudentes et scientes in mortem ferantur furentes, rapidi, et miserabiles. […] Qui enim conveniat ab hominibus turpibus Divorum res gestas referri, eosque Francisci, Dominici, Magdalenæ, Apostolorum, ipsius etiam Christi personas repræsentare ? […] Quis enim juvenes avellat ab ea vanitate ?