A riston disoit ainsi, ne vne estuue, ne vn discours ne sert de rien s’il ne nettoye : celuy cy des masques nuëment representé & sans masques pourra nettoyer vne vieille tache qui saillit ceste ville de Clairmont & plusieurs autres, en monstrant que le Diable est l’autheur des masques, que masquer est vne Idolatrie, vne heresie, condamnee par les Peres, par les Conciles & saincts Decrets, qu’il est defendu par les ordonnances des Roys & Arrests des Cours souueraines, & est contre les bonnes mœurs & honnesteté publique.