Ce n’est qu’apres auoir exposé mon manuscrit à la censure des gens les plus éclairez dans ces matieres, & qu’apres auoir esté assuré que ie le pouuois produire sans honte, puis qu’ils l’auoient leu auec plaisir. […] Mais comme cet Orateur ne doit le plus souuent l’honneur de sa fonction qu’au pur hazard, sans que precisement le merite y contribue, & que d’ailleurs il n’a pas dans la Troupe plus de pouuoir ny d’auantage qu’vn autre, ainsi que les Comediens de Paris me l’ont assuré, ie ne le nommeray simplement que l’Orateur, & ie diray en peu de mots quelles sont ses fonctions.