» — « Un autre humme, ceo m’est avis, sur le lit vus tint embracee. » Dunc dis la femme tut curucee : « Bien sai », fet ele, « n’en dust mie, que ceo est vostre vielle folie ; tu vels mençoinge tenir a veire. » — « Jel vi », fet il, « sil dei bien creire. » — « Fous es », fet ele, « si tu creiz pur verité quan que tu veiz. » As mains le prent, od li l’en meine a une cuve d’ewe pleine ; dedenz la cuve le fist garder. […] « Pur ceo », dist ele, « n’iés tu pas dedenz la cuve od tuz tes dras, si tu veies une semblance. […] Chescun deit meuz creire e saver ceo que sa femme li dit pur veir, que ceo que cis faus oilz veient, que par veüe le foleient. » Par cest essample nus devise que [mult] meuz vaut sen e quointise e plus aïde a meinte gent que sis aveirs ne si parent.

Vïande demanda e quist, kar n’en aveit n[i]ent, ceo dist, en sa meisun n’en sun recet. […] » — « Jeo chant », fet il, « e si deduis a autres bestes, mes ore ne truis ki le me veule reguerduner ; pur ceo m’estut ici arester. » Dist la furmie : « Chant ore a mei ! […] » Pur ceo defent que nul ne vive en nunchaler n[e]’en udive. Sulum ceo que chescun deit feire se deit pener de bien atreire ; plus est cheri s’il ad quei prendre que si a autrui se deit entendre.

Marie de France, n° 50 Le loup et le mouton Jadis avient que un lu pramist que char ne mangereit, ceo dist, les quarante jurs de quareme ; a tant [en] aveit mis sun esme. […] A sei me[i]mes demanda : « Quei est ceo », fet il, « que jeo vei la ? […] Si pur ceo nun que jeo ai pramis que nule char ne mangereie, de sun costé me refereie*. […] Jeol vei tut sul sanz cumpainie ; ceo m’est avis, si jeo nel gart, teus [i] vendra d’aucune part que l’en merra ensemble od sei, si nel larra nïent pur mei.

Marie de France, n° 5 Le chien et le fromage Par une feiz, ceo vus* recunt, passoit un chien desur un punt ; un fourmage en sa buche tient ; quant en mi le puncel [par]vient, en l’ewe vit l’umbre del furmage ; purpensa sei en sun curage que aveir les voleit amduis. […] Pur ceo se deivent chastïer cil ki trop sulent coveiter. Ki plus coveite que sun dreit, par sei me[is]mes se recreit ; kar ceo qu’il ad pert [il] sovent, et de [l’]autrui n’a il n[i]ent.

Marie de France, n° 31 Le paon D’un poün cunte que fu iriez vers ei memes e curucez de ceo que tele voiz ne aveit cum a lui, ceo dist, avendreit. […] Le poün dit qu’il se cremeit que de tuz oiseus plus viel esteit pur ceo que ne sot bel chanter.

Tu m’as cest’ ewe si trublee n’en puis beivre ma saülee ; arere m’en irai, ceo crei, cum jeo vienc ça, murant de sei. » Li aignelez dunc li respunt : « Sire, ja bevez vus amunt, de vus me vient ceo que ai beü. » « Quei !  […] Cest me[i]mes me fist tun pere a ceste surse, u od lui ere, ore ad sis meis, si cum jeo crei. » « Que retez vus ceo », fet il, « a mei ? Ne fu pas nez dunc, si cum jeo quit. » « E ke pur ceo ? 

A rei choisirent un ostur, pur ceo que meins mal lur fesist e vers autres les guarantist. […] Pur ceo parla un des colums, si apela ses cumpainuns. […] Einz nus guardïum* [nus] bien de lui, ne dutïum* fors sun aguait ; puis que l’umes a nus atrait, a il tut fet apertement ceo qu’il fist einz celeiement. » Cest essample dit as plusurs, que choisissent les maus seignurs.

Marie de France, n° 67 Le corbeau qui trouve des plumes de paon Del corbel cunte ki trova par un chemin, u il ala, plumes e pennes d’un poün, si s’esguarda tut envirun : plus vil se tient nul oisel pu ceo qu’il ne se vit si bel. […] Ceo peot [hoem] veer de plusurs ki aver unt e granz honurs : uncore vodreient plus cuillir ceo qu’il ne poënt retenir ; ceo qu’il coveitent n’unt il mie, e le lur perdent par folie.

Quides que jeo aime meuz tun blé que ceo quë ai tut tens usé ? Nenil, nenil », fet la geline, « si devant mei estut une mine tuz jurs pleine, pas ne lerreie ne pur ceo ne [me] targereie que jo ne quesisse tuz jurs plus sulunc ma nature, sulunc mon us. » Par ceste essample veut mustrer que plusurs genz pöent trover aveir e ceo quë unt mester, mes [il] ne poënt pas changier lur nature ne lur usage ; tuz jurs coveitent en lur curage.

Li lus demanda que ceo dut qu’il seit en cele lande mis e qu’il aveit [la] dedenz quis. Li bucs respunt : « Jeo vus fuï tant cum jeo poi ; mes ore sai de fi que je ne poi fuïr* avant : pur ceo vus sui alé querant. » Li lus li dist : « E jeo te ai quis par tuz les bois de cest païs, ceo m’est avis, un an entier. […] E il ad le buc apelé : « Frere », fet il, « bien sai e vei, malement avez prié pur mei : bien poi entendre par le cri que ceo ert preere de enemi. Mut est mauveise ta pramesse, unc[es] mes n’oï peiur messe. » — « Par ma fei, sire », dist li bucs, « tut autresi priai pur vus cum vus vousistes pur mei feire, kar fel estes e de put eire ; ja ne poeie jeo merci aveir que jeo vesquisse tresque al seir : pur ceo m’estut de mei penser e vus leisser u ublïer. » Ceo veit hum de meinte gent, que quident tut a escïent que autre deive pur eus preer e lur message bien porter ; si parolent le plus pur eus e leissent si ublïent iceus a ki il eurent bel premis, ne lur funt unc[es] fors le pis.

Kar trop furent en grant dolur ; de humes, de chiens eurent poür, si nel voleient mes suffrir : pur ceo s’en veulent fors eissir. Li sage lievre lur diseient que folie ert ceo que quereient a eissir de lur cunissance, u furent nurri des enfance ; li autre ne l’en vodrent creire : tuz ensemble tiendrent lur eire. […] Pur ceo se deivent purpenser cil ki se veulent remüer e lur ancïen liu guerpir que lur en put aprés venir.

Durement maudist la mesure ; kar ne pot par nule aventure od li, ceo dist, dreit mesurer. […] Jeo ne faz par mei nule rien : tu me gettes, ceo veit hum bien.

Marie de France, n° 4 Le chien et la brebis Ci cunte d’un chien menteür de males* guisches, e tricheür que une berbiz enpleida : devant justise la mena, si li a un pain demandé, qu’il li aveit, ceo dist, apresté. […] Il li respunt qu’il en a deus, ceo est li [e]scufles e li lus. Cil furent avant amené ; par ser[e]ment unt afermé que ceo fut veirs que li chiens dist.

Entre eus en unt lur cunseil pris, chescun en dist le suen avis ; fors la grüe, ceo dient bien, n’i ad nul de eus que en sache rien ; le col ad lung e le bek gros, ele en purreit bien traire* l’os. Li lus li pramist grant löer, pur ceo ke lui vousist aider. […] « Tu es », fet il, « fole pruvee, quant de mei es vive eschapee, que tu requers autre lüer, que de ta char ai grant desirer ; mei, ki sui lus, tieng jeo pur fol que od mes denz ne trenchai tun col. » Autresi est del mal seignur : si povres hom li fet honur e puis demant sun guer[e]dun, ja n’en avera si maugré nun ; pur ceo qu’il seit en sa baillie, mercïer li deit* de sa vie.

Marie de France, n° 64 L’homme, le cheval et le bouc Un riches hum, ceo dit, aveit un cheval, que vendre voleit, e un sun buc tut a un pris. Pur vient souz ceo dist a ses amis [que] chescun d’eus voleit duner, si nul les vousist achater.

Un vilein vit ileoc ester en un batel, si l’apela ; que utre le past, ceo le pria. […] « Jo l’otri bien », ceo dit li lus. […] Idunc dresça la teste amunt ; « Bien fet ki bien fet, ceo savez. » Dist li vileins : « Ceo est veritez. » Quant il furent un poi alé*, si li ad le vilein rové* que un veir deïst, e il retreit [que] mut fet pis ki [si] ne feit.

Sur une mare trespassa ; quant dedenz l’ewe [re]garda, l’umbre de la lune ad veü, mes ne sot mie quei ceo fu. […] Meint humme espeire, utre dreit e utre ceo qu’il ne devereit, a aver tutes ses volentez, dunt puis est morz e afolez.

Pur ceo ne deit nul hum preier de plus aver qu’il n’a mester : ceo gart que ke Deus [li] ad doné, si li suffise en leauté.

Set la u siet, dit ceo que dit, fet ceo que fet sanz cuntredit : mal ne crent il de nule rien.

Marie de France, n° 62 L’aigle, l’autour et les colombes Li egles est des oiseus reis, pur ceo qu’il est pruz e curteis ; li osturs est sis senescaus, que n’esteit mie del tut leiaus. […] » Pur ceo ne deit princes voler seneschal de grant fierté aver ne coveitus ne menteür si nel veut fere sun seignur.

« Ceo est », fet il, « en mun seignur, qui nus devum porter honur. » Li leüns ad dit e juré que tut ert suen pur verité, la primere part avereit pur ceo que reis ert, e dreiz esteit ; [e l’altre part pur le gu[a]ain pur ceo qu’il le terz cumpain ;] l’autre partie avera, ceo dist, raisun estait, kar il l’ocist ; e ki la quarte part prendreit, ses enemis morteus serreit.

Quant il les vit si aprismer, si se cumence a desreiner : « Veirs est », fet il, « que vileins dit par essemplë e par respit : li plusur veulent ceo loër qu’il devreient suvent blamer, e blamer ceo que il devreient forment loër s’il [le] saveient. »

» Dist la corneile : « Par ma fei, ne t’estut mie travailler que tu me deies enseigner : jeo sui pieça tut enseignee ; tant sui sagë e veizïee, bien sai sur ki jeo puis seer e a seür* puis remaner. » Pur ceo nus mustre par respit que ceo est veirs ke l’em [a] dit par essamplë e par repreche : bien seit chaz ki barbë il lecche.

Ele escundist que en nule guise a escïent ne l’aveit feit, e li leüns atant le lait ; petit d’onur, ceo dit, avereit de li s[e]’il la ocieit. Gueres de temps ne demurra que un humme, ceo dit, apparailla une fosse cavee dedenz. […] La suriz vient al cri tut dreit, mes ne saveit ki ceo esteit quë ja el bois aveit esveillé.

A ma aiole avient tut autresi e a ma mere, kar jel vi : un poi devant lur finement, ceo fu sceü apertement que uns bachelers les cundueit, e que od eus autre rien n’aveit*. […] A un muster ensemble vunt ; la li jura ceo que ele quist e plus asez qu’elë* i mist. Pur ceo dit hum en repruver que femmes seivent enginner ; les vezïez e li nunverrrable unt un art plus ke li deable.

Tant l’ot gardé qu’il le vot vendre : deners [en] volt aver e prendre ; pur vint souz, ceo dist, le durra. […] Li vileins li ad dit aprés qu’il ne deit tenir sun esgart, kar il nel vit fors de l’une part ; pur ceo l’aveit demi preisié qu’il n’en veeit fors la meité ; ne pot mie d’un oil veeir quei li chevals deveit valeir. […] Pur ceo volt ici enseigner e mustrer bien e doctriner, ki quë unc se sent entrepris e n’eit od sei ses bons amis ki [li] sacent cunseil doner, que bien [se] deit cuntreguaiter, si parler deit devant justise, que en sa parole ait tel cointise, par mi tute sa mesprisun, que seit semblable a la reisun.

Li gupil demande que ceo deit que sa cüe li requereit. […] Ja de ma cüe quë est granz në aleverez voz enfanz n’en autre regnéd n’entre gent — jeo vus di bien apertement –, mes que ele fust de tel afaire que je ne la puisse a mei traire. » Ceste essample pur ceo vus di : de l’aveir humme est autresi ; si il ad plus ke li n’estut, ne volte suffrir (kar il ne peot) qu’altre en ait eise ne honur ; meuz le volt perdre de jur en jur.

Ore fu mut pis que ne fu einz ; kar li vileins bien le creï et li fous peoples qui l’oï dient que ceo est signefiance. […] Par cest essample le vus di, del nunsavant est autresi ; ki creit* ceo quë estre ne peot, u vanitez lë oste e muet.

E li vileins lur demanda que ceo esteit qu’il lur fist feire. […] De ceo qu’il mesfet suvent ne li peot suvenir nïent.

Quant ele fu al bois venue e li lus l’ot dedenz veüe, al cheverol vet, si li rova que l’us overist ; ceo li pria od tele voiz cume la chevre aveit. […] Pur ceo chastie le sené que hum ne deie mal cunseil creire ne mençunge tenir pur veire.

» - « Oïl », fet ele, « ceo est mes filz. » - « Bailez le ça tant que jol bes ; kar jeol voil veer [de] plus pres. » Cler li baile, e il le prent, si l’ad mangé hastivement. Pur ceo ne devereit nul mustrer sa priveté ne sun penser.

L’autre vilein fist apeler quë ert venu a lui clamer ; de la caue li demanda quei ceo esteit que ele chanta e queile parole ele diseit. […] Pur ceo ne deit prince ne reis ses cumandementz ne ses leis a coveitus mettre en bailie ; kar sa dreiture en ert perie.

Cil li respundirent aprés qu’il nes [en] deit mie blasmer, lui me[i]mes deit encuper : kar lur derere unt eü frere, pur ceo est dreit que en sun ni pere. » Il lur respunt : « Vus dites veir. […] » Pur ceo dit hum en repruver de la pume* del duz pumer, si ele cheit desuz le fust amer, ja ne savera tant rüeler que al mordre ne seit recunüe desur quel arbrë ele est crüe.

Entr’eus en tienent mut grant pleit, si demandent ki ceo ad fait : ki le quor lur aveit emblé, grant huntë ot fet e vilté. […] Dunc a li gupil respondu : « Sire », fet il, « ceo m’est avis il veulent mettre en cest païs ceo que ja n’ert në unc ne fu ne que jamés n’i ert veü.

Marie de France, n° 83 L’hirondelle et les moineaux Um hom, ceo dit, entassot blé, e l’arunde l’ad esguardé cum li muissun defors estoënt, quë al blé asprimer n’osoënt. […] Ore est li maus turné sur vus. » Pur ceo mustre par cest escrit – meintefeiz hum trovë e dit : meint hume [i] a ki mentir veut a celui ke li mentir solt.

Mes je ne voil la puche overir, deci que cil deivent failir. » Li chaz respunt par breve raisun : « Nus n’erums mie cumpainuns, kar jeo ne sai fors un engin, ceo seivent bien tut mi veisin. » La u il vunt issi parlant, deus chiens [en] vienent tost curant. […] » — « Jeo l’ai », fet il, « trop esparnié ; jeol te di bien, meuz amereie tun sul engin, si jeo l’aveie, que ces dunt ai ma puche pleine ; jeo te vei deliveré de peine. » — « Bien me deit », fet il, « remembrer de ceo que jeo oi cunter : suvent est ateint li gupilz, tut seit li quointes par ses diz. » Del menteür avient suvent, tut parot il raisnablement, sil put li sages entreprendre, s’il veut a sa parole entendre.

Quant ele ot sa teste fors mise, purpensa sei que en nule guise ne volst el païs arester, ainz passera, ceo dist, la mer pur la hunte que ele aveit fete, que li sereit tuz jurz retrete. […] Cest essample ai pur ceo cunté : cil ki sunt plein de mauveisté e en lur cuntree mesfunt, puis la guerpissent, si s’en vunt, pur ne[e]nt lessent lur païs ; aillurs funt il autel u pis.

Quant il deveient aprismer, li lu volt les uens enseigner ; cunseil, ceo dit, lur estut prendre : s’il se veut vers eus defendre, chescuns estut garder sa cüe, u il irrunt a male voue. […] Mes, quant ceo vint a l’asemblee, une wespe s’est [es]drescee, si puint le cerf par les costez e il sailli tuz esfreez, qu’il se mesfit vileinement e la bende desrump et fent.

Ele vient aprés hastivement, viande e beivre lur aporta ; que haitié fussent, ceo lur preia. […] Li vilein les ad escrié, dit que ne sunt pas bien alé ; encuntre l’ewe la deient quere, la la purrunt trover a tere, la la querunt, si ferunt bien : tant ert encuntre tute rien que aval* l’ewe n’est pas alee, od reddur n’est mie turnee ; en sa mort ne feïst ele mie ceo que ne vot fere en sa vie.

Si vus pleseit a remüer e sur u autre fust voler, jeo chantereie mut plus bel ; ceo seivent tuit cist autre oisel. » Autresi vet de mainte gent : ne püent pas seürement la u il dutent, bien parler, si cum la u n’estut duter.

Tuz esteient dunc esbaï quant del cucu oient le cri : ne surent quels oiseus ceo fu, mes que tut tens diseit cuccu. […] Mes il voleient primes saver sun estre e sun cuntenement : pur ceo gardent cummunement ki deit aler en lur message.

Marie de France, n° 38 La puce et le chameau Une pulce, ceo dit, jadis munta sur un chamail, sil chevacha desi que en une autre cuntree.

Li sages deit reisnablement prier [a] Deu omnipotent que de lui face sun pleisir : de ceo li peot grant bien venir.

Ne savez mie que ceo munte ?

Les bestes fist a sei venir, kar il voleit, ceo dist, choisir ki meuz purreit en bois chacer e sa vïande purchacer.

« Grant laschesce », fet il « fesimes e trop mauveis cunseil creïmes, que grant cumpainie esteiums, quant nus ne nus defendïums vers cest humme, quë a grant tort nus ad tuz pris e jeté mort. » Pur ceo dit hum en repruver : plusurs se leissent damager, cuntrester n’osent lur enemis que ne facent a eus le pis.

Pur ceo qu’il le vit remembré e en meint liu aveit esté, li vol[eit]t cunseil demander en quele tere deust cunverser ; kar il memes pru ne saveit.

La Destinee lur cumande que veir dient de la demande a ceo que avis lur en esteit.

Puis aveit le sanc comandé a sa fille, que ele l’esgardat que nule rien n’i adesast ; par le sanc, ceo dist, conustreit quel enferté ses peres aveit.

Pur ceo nus dit en cest sermun que a tricheür ne a felun ne deit l’um comander sun or ne sa vie ne sun tresor.

Marie de France — Prologue Prologue Cil ki seivent de lettr[e]ure, devreint bien mettre [lur] cure es bons livres e [es] escriz e as [es]samples e as diz ke li philosophe troverent e escristrent e remembrerent : Par moralité escriveient les bons pruverbes qu’il oieient, que cil amender se peüssent ki lur entente en bien eüssent ; ceo firent li ancïen pere.

Trahi avereie mun seignur que m’ad nurri desque a cest jur ; malement avereit enpleié qu’il m’ad nurri e afeité, si par ma garde aveit perdu ceo dunt il m’ad lung ten peü.

A un’ autre lisse requist que en sun ostelet la suffrist, tant kë ele eüst chaelé ; mut l’en savereit, ceo dist, bon gré.

Il ne nus veut fere nul mal ; de l’autre part del cheval est descenduz, si est mucez : de nus veer est esmaiez. » — « Nenil, beu fiz, de ceo n’i ad nïent ; einz esgarde hardiement, si vait sun fust aparaillant, u ad grant mal el chef devant : s[i]’il le fet vers nus venir, bien en purrum le mal sentir.

Par cest essample veut mustrer — bien le peot hum suvent pruver – si fols parole une folie e autre vient que sens li die, ne l[’en] creit pas, einz s’en aïre ; la u il set que l’en est pire, veut sa mençunge mettre avant ; nul ne fereit de ceo taisant.

Li asnes dit : « Veiz tu, amis, ceo que jeo te aveie pramis ? 

» — « Jeo ne l’os fere », ceo respundi.

Hastivement al bois alums, seüms si cum nus sulïums. » Iluc jurerent e pramistrent jamés bien ne ferunt, ceo distrent.

» - « Nenil, nenil », fet ele, « mestre, ceo ne purreit en nul sens estre. […] Tel amur e tel bienvoillance cum entre nus devum aveir, sanz mal fere, sanz mal voleir, icest otrei que nus aiums, si ke jamés ne nus creüms. » Issi est suvent avenu : de pluseurs femmes est sceü que si cunseillent lur seignur ke lur reverte a deshonur ; meinte femme cunseille a feire ceo dunt a plusurs nest cuntraire.

» Pur ceo chastie tute gent qu’il ne creient, Deus le defent, en augure n’en sorcerie ; kar trahiz est ki s’i afie ; le cors en est mis en eissil e l’alme vet en grant peril.

« Ore ne chaut quë hum me tienge verm u oisel, mes que jo vienge dedenz la fiente del cheval ; kar de feim ai dolur e mal. » Issi avient des surquidez : par eus me[i]mes sunt jugez ; ceo enpernent que ne poënt fere, dunc lur covient a[rrier] retrere.

Ne voilez mes Adam blamer, si le fruit de l’arbre manga que nostre sire li devea : li deables li cunseilla, que par sa femme l’enginna e li pramist si grant honur que per sereit al Creatur. » Pur ceo ne deit nul encuper autrui fesance ne blamer ne mettre fame sur sun preme ; chescun reprenge sei me[is]mes.

Par tant poez saveir de tun fiz que ceo est un singetel petiz. » Al tricheür, sun cumpainun, dist me[is]mes ceste raisun ; demanderent de mot a mot.

» « Jo vus dis einz », fet li lïuns ; « ainz que [nus] fussums cumpainuns, me mustrastes une peinture sur une pere par aventure ; mes jeo te ai plus verrur mustree, a descuvert l’as esgardee. » Par essample nus veut aprendre que nul ne deit nïent entendre a fable kë est de mençuinge ne a peinture que semble sunge ; ceo est a creire dunt hum veit l’ovre, que la verité tut descovre.

Tant i averez joie e deduit, jamés n’avriez talent, ceo quit, de repeirer a cest mulin ».

Pur ceo mustre li sage bien, que hum ne deüst pur nule rien felun hume fere seignur ne trere lë a nule honur : ja ne gardera leauté plus a l’estrange que al privé ; si se demeine envers sa gent cum fist li lus del ser[e]ment.