La Destinee lur cumande que veir dient de la demande a ceo que avis lur en esteit. […] Leissum le issi cum il ad esté grant tens a, kar ja par mei n’esforcera. » Issi chastie les plusurs qui sur eus unt les maus seignurs, que pas nes deivent esforcier n’a plus fort de eus acumpainer par lur sen ne par lur aveir, mes desturber e lur poeir. Cum plus est fort, [e] pis lur fet ; tus jurs lur est en mal aguet.

Eissi avient que par un jur menot ses humes en labur ; dunc prierent cil al vilein que lur dunast cerveise e pein, si en purreient le meuz ovrer. A sa femme les ruve aler e li prier que ele lur dunast, kar pis lur sereit, s’il i alast. […] Dunc respundi que el lur dureit, mes guardassent qu’il n’en eüst, ne ne mangast od eus ne beüst, ore alassent faucher les prez, ele lur portereit asez. […] Ele vient aprés hastivement, viande e beivre lur aporta ; que haitié fussent, ceo lur preia. […] Issi avient : plusurs estrivent vers lur seignurs, tant cum il vivent ne saver ne veulent ne sentir quels maus lur [en] peot avenir ; lur riote tienent avant.

Li sage lievre lur diseient que folie ert ceo que quereient a eissir de lur cunissance, u furent nurri des enfance ; li autre ne l’en vodrent creire : tuz ensemble tiendrent lur eire. […] Si ferum bien. » Atant li lievre returnerent ; en lur cuntree s’en alerent. Pur ceo se deivent purpenser cil ki se veulent remüer e lur ancïen liu guerpir que lur en put aprés venir.

Li bus par tençun l’asaillirent, si repruverent al vilein la bone cerveise e le pein que par lur travail ot eü ; mes malement lur ad rendu ; k’a grant hunte les demena. E li vileins lur demanda que ceo esteit qu’il lur fist feire. « Fiens », funt il, « fors de l’estable treire. » Dist li vileins : « Vus le femastes e la meisun [en] encumbrastes. » Li buf dient : « Ceo est veritez. » Dunc s’est li vilein purpensez, si lur respunt que hors le traient : bien est dreiz que la peine en aient.

Demanda lur pur quel mester voleient si estreit cunseiller, quand nul humme pres de els n’aveit ne nul lur parole n’en oeit*. Li un respundi al seignur qu’il n’aveient nule poür, einz lur semblot vez[i]eüre qu’il parloënt de tel mesure. Ceo funt suvent li nunsavant ; de teu chose mustrent semblant, pur autre gent suzvezïer, que lur ne peot aver mester.

Tant s’entreamerent ambedui que en un ni ensemble puneient e lur oiseus ensemble aveient. […] Puis lur ala quere vïande si cume nature le demande. […] Quant li ostur [se] fu asis, ses oiseus leidi e blama ; par maltalent lur repruva que vint anz ot eire tenue, unc[es] si grant descuvenue si oisel ne li firent mes. Cil li respundirent aprés qu’il nes [en] deit mie blasmer, lui me[i]mes deit encuper : kar lur derere unt eü frere, pur ceo est dreit que en sun ni pere. » Il lur respunt : « Vus dites veir.

Dui humme erent al bois alé, mes il esteient esguaré la u li singe converserent : utre lur volenté alerent la u il erent assemblé : nel firent mie de lur gré. […] Quant en lur curt furent entré, des singes sunt mut bien apelé. […] E il lur ke li semblot quë unc ne vit plus bele gent ne meuz feussent a sun talent ; aprés lur dist de lur seignur que bien semblot empereür.

Mes [il] ne lur volt pas atendre ; el crus d’un chesne s’esteit mis. […] Cest essample ai pur ceo cunté : cil ki sunt plein de mauveisté e en lur cuntree mesfunt, puis la guerpissent, si s’en vunt, pur ne[e]nt lessent lur païs ; aillurs funt il autel u pis. Lur mauveis quor deivent changer, ne mie lur mauveis quor lesser.

Dunc assemblent lur parlement. […] Li cerfs l’oï, si s’en ala ; a grant peine lur eschapa. […] Einz qu’il par fust [bien] escorcez, s’est li gupilz tant aprismez qu’il lur aveit le quor emblé*, si l’ad mangé e devoré*. […] Entr’eus en tienent mut grant pleit, si demandent ki ceo ad fait : ki le quor lur aveit emblé, grant huntë ot fet e vilté. […] Il lur jura par ser[e]ment qu[e]’il ne l’ot emblé n[i]ent.

Nenil, nenil », fet la geline, « si devant mei estut une mine tuz jurs pleine, pas ne lerreie ne pur ceo ne [me] targereie que jo ne quesisse tuz jurs plus sulunc ma nature, sulunc mon us. » Par ceste essample veut mustrer que plusurs genz pöent trover aveir e ceo quë unt mester, mes [il] ne poënt pas changier lur nature ne lur usage ; tuz jurs coveitent en lur curage.

En poür sunt e en dutance ; n’i ad celui ki bien ne creit que grant mal lur avenir deit. Tant est fol peoples nuncreables que en veines choses nunverables unt lur creance e lur espeir.

L’arunde dunc les apela, que avant venissent lur rova. […] Li bachelers ad respundu que l’arundel[e] l’aveit fet qu’il s’esteient issi retret ; « mes, s’il voleit sun cunseil creire, teus paroles direit pur veire, dunt l’arundele decevreit e les muissuns li remereit ; en haut parlast que ele l’oïst, e si afermast e bien desist que jamés oiseus ne prendreit ne que ja mal ne lur fereit. » Li vileins dist ceste parole, [e] l’arundele, ke fu fole, as muissuns l’ala recunter, sis refist en la grange entrer. […] Dunc tencerent a l’arundele que ele lur ot dit male novele. Ele lur respunt : « Cil me menti, e jeo menti vus tut autresi ; quant me dist veir, e jeo a vus.

Marie de France, n° 17 L’hirondelle et le semeur de lin Par veil essample en escrit trois, quant hume sema prime linois e volst de lin le pru aveir, l’arunde fu de grant saveir ; bien s’aperceut ke par le lin sereient oiseus mis a lur fin ; del lin pot hum la reiz lacier, dunt hum les pot tuz damager. Tuz les oiseus fist asembler, si lur voleit cunseil duner qu’il alassent le lin manger, qu’il ne peüst fructifïer. Li plusur ne l[e] vodrent fere ; al seignur alerent retrere le cunseil lur aveit doné.

Mes tu es plein de tricherie : sur mei turnes ta felunie. » Issi funt li nundreiturers ; quant hum aperceit lur mesters, les autres veulent encuper e lur mesfet sur eus turner.

Desi as bestes la hüerent, a lur crïere se clamerent, de la chalve suriz se pleignent, mut la hunisent e blasteignent, e mustrent li sa felunie e cum ele ad sa fei mentie. Lur crïere lur ad juré que elë en fra lur volenté e que mut bien les vengera.

Veez la cel champ* u la gent sïent, u lur garbes cuillent e lïent. Alums [i] e si lur aidums, e lur garbes ensemble portums ! 

Tutes les bestes assembla e tut sun estre lur mustra e qu’il deüssent rei choisir ; kar ne quidot mes revenir. N’i ot beste ke li ne preiast que un autre leün lur baillast. Il lur respunt qu’il ne l’a ne nurri nul, kar il ne osa ; dë eus memes deivent garder ki meuz les puisse guverner. […] Li lus vet le chev[e]rol seisir, si* l’ad ocis par lur esgart, puis si manga la meillur part ; pur sa felunie coverir en fet [as] autres departir. […] Puis eurent tut lur jugement, ne tient vers eus nul ser[e]ment.

Par un petit ne l’a crevé si li sires n’en eüst crié : « Haro, haro, [sa] aidez-mei » Si humme i saillent a desrei, chescun od mace u od bastun, l’asne fierent tut envirun — a grand martire e a dolur porent rescure lur seignur – desi que l’asne unt tant batu qu’il le leissent tut estendu : a grant peine vient a sa stable. Saveir poüm par ceste fable la manere de ceste gent – mut le* poet [hoem] veer sovent – que tant se veulent eshaucer e en tel liu aparagier que ne avient pas a lur corsage ensurketut a lur parage.

Vit le mulet e la suriz, sis apela par mut beus diz e dist que lur evekes diz e que mal cunseil unt eü que sa cunfermeisun n’aveient. […] En la parei se sunt fichees : meuz i voleient estre mucees, si que eles ne puissent muveir, que od lur esveke remaneir ; mut crement sa cunfermeisun, kar il le sevent a felun.

As autres escarboz le dist que lur sepande lur mesfist : l’egle [a]veit [fet] curteis e bel, il n’esteient ver* ne oisel ; saül ne poeient voler, a jeün* ne sorent aler. […] « Ore ne chaut quë hum me tienge verm u oisel, mes que jo vienge dedenz la fiente del cheval ; kar de feim ai dolur e mal. » Issi avient des surquidez : par eus me[i]mes sunt jugez ; ceo enpernent que ne poënt fere, dunc lur covient a[rrier] retrere.

Ne semblot par lur cumpainuns ; od les eles le [de]batirent, [e] si pis purent, pis li firent. […] Ceo peot [hoem] veer de plusurs ki aver unt e granz honurs : uncore vodreient plus cuillir ceo qu’il ne poënt retenir ; ceo qu’il coveitent n’unt il mie, e le lur perdent par folie.

Par ceste essample veut mustrer le coveitus e lë aver veulent tuz jurs tant comencer, e si se veulent eshaucer, si enpernent par lur utrage que lur turnë a [grant] damage.

Quant il deveient aprismer, li lu volt les uens enseigner ; cunseil, ceo dit, lur estut prendre : s’il se veut vers eus defendre, chescuns estut garder sa cüe, u il irrunt a male voue. Li cerfs lur dist : « E nus nus bendums ! […] Si nus demurum ici neient, n’i avera ja un sul de nus n’eit suz la cüe treis u dous*. » Cest essample nus dit de ceus ki despisent les menurs de eus : tant les avillent de lur diz quë al grant busuin sunt honiz, e meuz se seivent cil eider la u il unt greinur mester.

Tuz diseient en lur gargun e afermerent par raisun que cil oisel, ke si chauntout e si grant noise demenout, deveit bien estre rei e sire de governer un grant empire ; s’il fust si pruz e si vaillanz en ses ovres cum en ses chanz, a seignur le voleient aver. Mes il voleient primes saver sun estre e sun cuntenement : pur ceo gardent cummunement ki deit aler en lur message. […] Eslisent tel ki seit vaillant, pruz e sagë e enpernant ; reis deit estre mut dreiturers, en justise redz e fiers. » A cel cunseil se sunt tenu, e si unt esgardé e veü que de l’egle ferunt [lur] rei ; e si vus sai bien dire pur quei : li egles ad bele grandur, si est asez de grant valur ; mut est sobres e atemprez : si une feiz est bien saülez ; bien repot j[e]uner aprés, qu’il n’est de preie trpo engrés.

Marie de France — Prologue Prologue Cil ki seivent de lettr[e]ure, devreint bien mettre [lur] cure es bons livres e [es] escriz e as [es]samples e as diz ke li philosophe troverent e escristrent e remembrerent : Par moralité escriveient les bons pruverbes qu’il oieient, que cil amender se peüssent ki lur entente en bien eüssent ; ceo firent li ancïen pere.

Issi funt li riche seignur, li vescunte e li jugeür de ceus qu’il unt en lur justise ; faus’ acheisuns par coveitise treovent asez pur eux cunfundre : suvent les funt a pleit somundre, la char lur tolent e la pel, si cum li lus fist a l’aignel.

Va a la vile, jeo vois al bois. » Par la chaene est departie lur amur et lur cumpaignie.

Si est des veizïez feluns : ja n’averunt si bons cumpainuns, tant facent a eus grant honur, si rien lur deit custer del lur, que durement ne seient liez, si par eus seient enginniez. Mes il ravient asez sovent que de me[is]mes le turment, que as autres quident purchacer, avait lur cors a periller*.

Marie de France, n° 65b Les loups Par veille essample recunte ici que tuit le lu sunt enveilli en cele pel u il sunt né ; la remainent tut lur eé.

Ceo funt plusurs, bien le savez : tant coveitent lur volentez ne veient pas queile aventure en vient aprés pesante e dure.

Entre eus cunterent lur parage, si parlerent de lur lignage.

Mut est mauveise ta pramesse, unc[es] mes n’oï peiur messe. » — « Par ma fei, sire », dist li bucs, « tut autresi priai pur vus cum vus vousistes pur mei feire, kar fel estes e de put eire ; ja ne poeie jeo merci aveir que jeo vesquisse tresque al seir : pur ceo m’estut de mei penser e vus leisser u ublïer. » Ceo veit hum de meinte gent, que quident tut a escïent que autre deive pur eus preer e lur message bien porter ; si parolent le plus pur eus e leissent si ublïent iceus a ki il eurent bel premis, ne lur funt unc[es] fors le pis.

Quant ma volenté n’ai de tei, ja nule honur n’averas de mei. » Autresi est de meinte gent, se tut ne* veit a lur talent, cume del cok et de la gemme ; veu l’avums de humme et de femme ; bien e honur niënt ne prisent, le pis pernent, le meuz despisent.

Ceste essample deivent oïr tutes femmes e retenir, que [tut] pur sulement mentir ne laissent lur enfanz perir !

Tant entendi a sei loër e a ses cornes esgarder qu[e]’il vit chiens venir curant e lur mestre aprés cornant.

Marie de France, n° 88 Le loup et le renard Un gupil e un lu s’aïrierent e ensemble se curucerent, si que nul nes pot acorder ne lur raisun a bien turner.

Ore sui sanz dute de ta vie ; a mes autres oiseus irai, a mun poeir lur aiderai. » Par cest essample nus dit tant : quant hum ad nurri sun enfant, qu’il le veit sagë e veizié, le queor [en] ad joius e lié ; a sun cunseil le deit leisser e puis les autres avancer.

A rei choisirent un ostur, pur ceo que meins mal lur fesist e vers autres les guarantist.

Marie de France, n° 27 L’homme et ses membres Dë un humme voil ci cunter e par essample remembrer – de ses meins cunte e de ses piez e de sun chief — k[i]’ ert iriez vers sun ventre, qu[e]’il porta pur lur guaainz qu[e]’il gasta.

« Grant laschesce », fet il « fesimes e trop mauveis cunseil creïmes, que grant cumpainie esteiums, quant nus ne nus defendïums vers cest humme, quë a grant tort nus ad tuz pris e jeté mort. » Pur ceo dit hum en repruver : plusurs se leissent damager, cuntrester n’osent lur enemis que ne facent a eus le pis.

Le plus [de ceus] dit hum suvent : cel dunt il pensent durement, e par lur buche est cuneü, ainceis que seit d’autre sceü ; la buche mustre le penser, tut deive ele dë el parler.

Li fevres ad lur cunseil creü kar ne l’unt mie deceü.

Ore seit il bien sa volenté, bien aparceit sa tricherie : departi est lur cumpainie.

Ceo est essample des orguillus, ki de grant pris sunt desirus ; par losanger, [e] par mentir les puet hum bien a gré servir ; le lur despendent folement pur faus losenge de la gent.

La force ert lur e la vigur : fors l’en unt mise en deshonur.

Ceste essample vus veut mustrer : de meint hume le puis pruver, ki par mentir e par tricher funt les povres suvent pleider ; faus tes[ti]moines sovent traient, de l’aveir as povres les apaient ; ne lur chaut que li las devienge, mes que chescun sa part [en] tienge.

Entre eus en unt lur cunseil pris, chescun en dist le suen avis ; fors la grüe, ceo dient bien, n’i ad nul de eus que en sache rien ; le col ad lung e le bek gros, ele en purreit bien traire* l’os.

» Li lïuns li ad respundu : « Ceo n’est mie pur ta vertu ne pur fierté k[e]’ en tei as, mes pur le cri que tu crias, que tant lur semble espoëntable que tuz te tienent pur deable. » Si est de l’orguillus felun, que par manace e par tençun e espoënte la fole gent e quide bien a escïent que nuls nel deie cuntrester des qu’i l’orrunt en haut parler.

» Li gupilz li ad tost respundu : « Ceo que [jeo] t’oi », fet il, « preié, dunt tu m’aveies manacié. » Ceo deit ester e remaner, que pruz hum[e] dira pur ver : as vezïez est bien avis que lur parole est en tel pris cum li engins de meinte gent, que par cunsel venquent suvent.

Tel amur e tel bienvoillance cum entre nus devum aveir, sanz mal fere, sanz mal voleir, icest otrei que nus aiums, si ke jamés ne nus creüms. » Issi est suvent avenu : de pluseurs femmes est sceü que si cunseillent lur seignur ke lur reverte a deshonur ; meinte femme cunseille a feire ceo dunt a plusurs nest cuntraire.

« Va », fet li cocs, « si lur escrie que sui tuens, ne me larras mie. » Li gupil volt parler en haut, e li cocs de sa buche saut ; sur un haut fust s’[en] est muntez.

» Dunc comença li lus a rire : « N’osai », fet il, « kar jeo cremeie que de la nef geté sereie. » As prudes hummes e as leiaus avient suvent damage e maus de la cumpainie as feluns ; mauveis en est lur guer[e]duns.

Dunc n’i osa nus atucher : tut lur estut le cerf lesser.

La boscage fu esbaïe, que lur estre ne saveit mie.

Par ceste essample nus assume que essample prengent li riche hume ki sur les povres unt grant poër, s’il lur mesfunt par nunsaver, qu’il en eient bone merci.

A ma aiole avient tut autresi e a ma mere, kar jel vi : un poi devant lur finement, ceo fu sceü apertement que uns bachelers les cundueit, e que od eus autre rien n’aveit*.

Il lur respunt ke dis souz vaut s’il est ignels, e süef e haut.