La mesenge, que mut est sage a parceivrë en verité, l’unt dici qu’a li enveié. La mesenge vola tut dreit dici a l’arbre u il esteit ; mut s’esteit pres de li asise, si l’esgarda par grant quointise. […] Eslisent tel ki seit vaillant, pruz e sagë e enpernant ; reis deit estre mut dreiturers, en justise redz e fiers. » A cel cunseil se sunt tenu, e si unt esgardé e veü que de l’egle ferunt [lur] rei ; e si vus sai bien dire pur quei : li egles ad bele grandur, si est asez de grant valur ; mut est sobres e atemprez : si une feiz est bien saülez ; bien repot j[e]uner aprés, qu’il n’est de preie trpo engrés. […] Par cest essample nus mustre ici que hum ne deit pas fere seignur de mauveis humme jangleür, u n’i a si parole nun : tel se nobleie par tençun e veult manacer e parler que mut petit fet a duter.