A sa femme les ruve aler e li prier que ele lur dunast, kar pis lur sereit, s’il i alast. […] « Pensez », fet ele, « del haiter ! » — « Si ferums nus », fet li baruns, « e grant merci que nus l’avums*. » Quant ele vit sun seignur lié, mut ot le queor triste e irrié. […] Tant cum ele se traist ensus, e il la siwi e plus e plus*, tant que li piez li eschapa : en l’ewe cheit, si enfundra. Les serganz saillirent aprés, aval l’ewe curent adés pur li tenir, que ele ne passast e que li floz ne l’en* portast.