Marie de France, n° 32
L’agneau et la chèvre
Une berbiz ot aignelé,
e li bercher l’en ad osté
sun aignelet, si l’en porta.
A une chevre le bailla,
que de sun leit l’ad bien nurri ;
al bois l’enmeine ensemble od li.
Quant elë ert creüe e grant,
puis l’apela, si li dist tant :
« Va t’en a la berbiz, ta mere,
e al mutun que est tun pere !
Asez te ai nurri lungement. »
Ele respundi sagement :
« M[ei]’ est avis que meuz deit estre
ma mere cele que me sot pestre,
meuz que cele ke me porta
e qui de li me desevera. »