Avianus 2

[DE TESTVDINE ET AQUILA]

Pennatis auibus quondam testudo locuta est,

si quis eam uolucrum constituisset humi,

protinus e Rubris conchas proferret harenis,

quis pretium nitido cortice baca daret.

Indignum sibimet, tardo quod sedula gressu

nil ageret toto perficeretque die.

Ast ubi promissis aquilam fallacibus implet,

experta est similem perfida lingua fidem ;

et male mercatis dum quaerit sidera pennis,

occidit infelix alitis ungue fero.

Tum quoque sublimis, cum iam moreretur, in auras

ingemuit uotis haec licuisse suis.

Nam dedit exosae post haec documenta quietis

mon sine supremo magna labore peti.

Sic quicumque noua sublatus laude tumecit

dat merito poenas, dum meliora cupit.