Astemio, Lorenzo. (1495) Hecatomythium primum - Hecatomythium secundum « [Hecatomythivm secvndvm] — [Abstemius 200]. Lavrentii Abstemii apologvs de gallo et vvlpe » p. 
/ 1093
Astemio, Lorenzo. (1495) Hecatomythium primum - Hecatomythium secundum « [Hecatomythivm secvndvm] — [Abstemius 200]. Lavrentii Abstemii apologvs de gallo et vvlpe » p. 

[Abstemius 200]

Lavrentii Abstemii apologvs de gallo et vvlpe

GAllus leonem cum uideret omnium
Regem quadrupedum quam citissima fuga
Vitare conspectum suum, et uocis sonum
Sese timori credidit Vulpeculæ
Magis futurum, cæterisque animantibus
Nullumque sibi periculum deinceps fore.
Sed huc et illuc dum pigro incedit gradu
Elatus et superbus hac uictoria
Humumque scalpit unguibus quærens dapes
Rostroque corneo fodit, Vulpeculæ
Fruticibus abditæ dolo captus miser
Tremente fudit ore moriens talia.
Nemo secundis fretus instabilis deæ
Volubilem tenere se putet rotam.
▲