Abstemius 175

De pvero discere nolente

PVer osor litterarum in ludum litterarumj a patre deductus nullis magistri blandiciis induci poterat, ut primam Alphabeti proferret litteram. Tum præceptor « Aperi os inquit. Quod huius litteræ, exigit enunciatio. » Ille uero hiabat sed absque uoce. Præceptor uidens laborem suum irritum (neque enim puerulum ac nouicium uerberandum censebat) iubet eum inter condiscipulos sedere eos monens ut illi persuadeant hanc uel saltem litteram efferre. Tum condiscipuli pro uirili quisque eum hortari dicentes. « Estne tantus labor.a. dicere ? » At puer uersutus « Non est inquit arduum dicere.a. sed si.a. dicerem, uellet ut.b. discerem et.c. Non erit ea uis preceptori patrique ut discam. » Fabula indicat nolentes discere a nemine posse compelli.