Abstemius 168

De clavdo primvm accvbitvm occvpante

CLaudus quidam ad nuptias inuitatus in primo discubuit loco. Sed magister conuiuii eum inde detrahens in ultimo collocauit dicens. « Sedes nulla datur præter quam sexta trocheo » alludens ad hunc pedem, cui duæ syllabæ dispares sunt ut illi pedes erant, et qui in ultima metri heroici locatur sede, ut ille ima co[n]uiuii parte dignus erat. Fabula indicat primos accubitus non occupandos, ne irrideamur inde detracti.