Abstemius 161

De viro benefico qvi in latrones inciderat

VIr beneficus et in cunctos liberalis peregre profectus incidit in latrones, qui circunstantes quum eum interimere uellent, exclamauit unus ex eis. « Ne interficiatis hunc uirum bonum et de me benemeritum. Quippe qui me non solum olim benigne suscepit hospitio, uerum etiam ægrotum fouit medicoque curandum tradidit. » Quibus uerbis moti socii illum illæsum abire permiserunt. Fabula indicat quoad possumus beneficia in cunctos conferenda.