Abstemius 150

De delectore militvm

DElector quidam missus a duce suo ad milites deligendos, qui rebus bellicis magis idonei uiderentur inter cæteros quendam eligere, uolebat, procera statura, et qui aspectu ipso præ se ferebat strenuum bellatorem. Tum ille « Falleris inquit o delector. Non sum enim is qui uideor. » Fabula indicat ex ipso corporis habitu homines non esse iudicandos.