Abstemius 107

De aqvila in pvlchritvdine se cæteris avibvs præferente

AQuila se in pulchritudine cæteris auibus præferebat, cunctis hoc uerum esse affirmantibus. Pauo autem secum dicebat « Non pennæ te formosam, sed rostrum et ungues efficiunt, quorum timore nulla ex nobis audet tecum de formositate certare. » Fabula indicat a multis res potentiorum non tam ueritate quam timore laudari.