Abstemius 87

De lepore calliditatem, et vvlpe celeritatem a Iove petentibvs

LEpus et Vulpes a Ioue petebant, hæc ut ca[l]liditati suæ pedum celeritatem, ille ut uelocitati suæ calliditatem adiungeret, quibus Iuppiter ita respondit. « Ab origine mundi e sinu nostro liberalissimo singulis animantibus sua▶ munera sumus elargiti. Vni autem omnia dedisse aliorum fuisset iniuria. » Hæc innuit fabula deum singulis ◀sua▶ munera ita esse æquali lance largitum, ut quisque esse debeat ◀sua sorte contentus.