Abstemius 69

De lvpo svadente istrici [sic▶], vt tela deponeret

LVpus esuriens in istricem [◀sic▶] intenderat animum, quem tamen quia sagittis undique munitus erat, inuadere non audebat. Excogitata autem eum perdendi astutia, illi suadere cœpit, ne pacis tempore tantum tellorum [◀sic▶] onus tergore portaret, quandoquidem ne alii quidem sagittarii, nisi quum prælii tempus instaret, portarent. Cui Istrix [◀sic] « Aduersus lupum inquit semper præliandi tempus esse credendum est. » Hæc fabula innuit uirum sapientem oportere aduersus inimicorum et hostium fraudes semper esse munitum.