Marie de France, n° 45
Encore la femme et son amant
D’un autre vilein voil [i]ci cunter
quë od▶ s femme vit aler
Aprés eus vet. Cil s’en fuï,
si s’est dedenz le bois musciez,
e cil returne tut iriez.
Sa femme leidist e blasma ;
e la dame li demanda
pur quei parlast issi vers li ;
e ses baruns li respundi
qu’il ot veü sun lecheür
ki li fist hunte e deshonur,
« Sire », fet ele, « si vus plest,
pur amur Deu, dites me veir !
Quidastes vus hume veeir
« Jel vi », fet il, « el bois entrer. »
— « Lasse », fet ele, « morte sui !
Demain murrai u encore hui !
A ma aiole avient tut autresi
e a ma mere, kar jel vi :
un poi devant lur finement,
ceo fu sceü apertement
que uns bachelers les cundueit,
Ore sai jeo bien, pres est ma fins ;
mandez, sire, tuz mes cusins,
si departiruns nostre aveir !
N’os el siecle plus remaneir ;
me metrai en une abeïe. »
Li vileins l’ot, merci li crie.
« Lesser ester », fet il « amie !
Ne departez de mei einsi !
Mençunge fu quan que jeo vi. »
— « N’i os », fet ele, « plus arester,
kar de m’alme m’estut penser,
ensurketut pur la grant hunte
dunt tu as fet si grant cunte.
Tuz jurz me sereit repruvé
que vilement avereie vers vus erré
si vus ne me jurez serement
si qu’il veient nostre* parent,
que n’en veïstes hume ◀od mei.
Puis afierez la vostre fei
que jamés mot n’en sunerez
ne jamés nel me repruverez. »
— « Volunters, dame », il li respunt.
A un muster ensemble vunt ;
la li jura ceo que ele quist
e plus asez qu’elë* i mist.
Pur ceo dit hum en repruver
que femmes seivent enginner ;
les vezïez e li nunverrrable
unt un art plus ke li deable.