Marie de France, n° 87
Les deux loups
Deus lus hors [del] bois s’encuntrerent ;
la se resturent, si parlerent
que nul hum nes osot atendre,
tut ne vousissent il rien prendre.
Ceo dist li uns : « Kar assaiums
bien a fere, si nus▶ poüms,
Li autre dit : « Jo oi merveilles,
— « Jeo te sai », fet il, « bien mustrer.
Veez la cel champ* u la gent sïent,
u lur garbes cuillent e lïent.
Alums [i] e si lur aidums,
e lur garbes ensemble portums ! »
— « Bien avez dit », cil li respunt.
Disci el champ venuz i sunt ;
le blé cuillirent e porterent,
mes les humes les escrïerent.
Li uns des lus ad dunc parlé,
sun cumpainon ad apelé.
Nostre bienfet ne vaut nïent
plus que li maus vers ceste gent.
Hastivement al bois alums,
seüms si cum ◀nus sulïums. »
Iluc jurerent e pramistrent
jamés bien ne ferunt, ceo distrent.
Ceo veit hum suvent del felun,
ki a mut petit d’acheisun
laisse le bien qu[e]’il comence ;
s[i]’il ne veit en sa presence
le lüer quë en veut aver,
a mal en turne sun esper.