Marie de France, n° 41
Le riche et les serfs
Un riches hum chevacha ja
par mi un champ, si esgarda
u dui serf ensemble parloënt ;
si estreitement cunseiloënt
cum s’il fussent entre grant gent.
Vers eus turna delivrement.
Demanda lur▶ pur quel mester
voleient si estreit cunseiller,
quand nul humme pres de els n’aveit
Li un respundi al seignur
qu’il n’aveient nule poür,
qu’il parloënt de tel mesure.
Ceo funt suvent li nunsavant ;
de teu chose mustrent semblant,
pur autre gent suzvezïer,
que ◀lur ne peot aver mester.