Marie de France, n° 18
Les grenouilles qui demandent un roi
Jadis avient que en un estanc
entur les rives e el fanc
ot de reines granz cumpainies,
que de lung tens i sunt nurries ;
la desdeignerent arester :
a la tere vodreient aler.
A lur▶ destinee crierent
suventefeiz li demanderent
kar d’autre rien ne eurent mester.
Quant meintefeiz eurent prié,
la destinee ad enveié
en mi cel’ ewë un trunc dur,
dunt eles eurent grant poür.
Cele que pres del trunc estut
e vit que pas ne se remut,
ses cumpaines ad rapelées ;
si sunt ensemble al trunc alees.
Primes le saluent cum rei,
e chescune li pramet fei ;
tutes le tienent pur seignur,
si li portent [mut] grant honur.
Mes, quant le trunc ne se remut,
celes virent que en pes estut,
en mi cel’ewe jut en pes,
sur li munterent tut a un fes,
el funz de l’ewe l’abatirent.
A la destinee revunt,
rei demandent, car nul në unt ;
une coluvre grandë e fort,
que tuz les devore e treit a mort.
Tutes furent en grant turment ;
dunc crierent plus egrement
a la destinee merci
« Nenil, nenil ! Jeo vus suffri
tutes* vos volentez a feire :
seignur eüstes de bon eire,
vileinement le hunisistes
[or] tel l’aiez cum le quesistes ! »
Issi avient plusurs le funt
tuz jurs le veulent defuler
ne li seivent honur garder ;
s’il nes tient aukes en destreit,
ne f[e]runt pur lui tort ne dreit.
A tel se pernent quis destruit,
Lores regretent ◀lur bon seignur
a ki il firent la deshonur.