Avianus 40
[DE PARDO ET VVLPE]
Distinctus maculis et pulchro pectore pardus
inter consimiles ibat in arua feras.
Sed quia nulla traues uariarent terga leones,
protinus his miserum credidit esse▶ genus.
Cetera sordenti damnans animalia uultu,
solus in exemplum nobilitatis erat.
Hunc arguta nouo gaudentem uulpis amictu
Vade, ait, et pictae nimium confide iuuentae,
dum mihi consilium pulchrius ◀esse queat
miremurque magis quos munera mentis adornant
quam qui corporeis enituere bonis.