Marie de France — Prologue
Prologue
Cil ki▶ seivent de lettr[e]ure,
devreint bien mettre [lur] cure
es bons livres e [es] escriz
e as [es]samples e as diz
ke li philosophe troverent
e escristrent e remembrerent :
Par moralité escriveient
les bons pruverbes qu’il oieient,
que cil amender se peüssent
ceo firent li ancïen pere.
a sun fiz escrit, si manda
e par essample li mustra
cum il se deust cuntregaiter*
que hum nel p[e]ust enginner.
Esop[es] escrist a sun mestre
que bien cunust lui e sun estre,
unes fables ke ot trovees,
de griu en latin translatees.
Merveille en eurent li plusur
qu’il mist sun sen en tel labur ;
mes n’i ad fable de folie
u il n’en ait philosophie
u des contes est tut li fes.
n’avenist nïent a retraire
plusurs paroles que i sunt ;
mes nepuruc cil me sumunt,
d’enseignement, de curteisie ;
et quant tel hum me ad requise,
ne voil lesser en nule guise
que n’i mette travail e peine,
◀ki que m’en tienge pur vileine,
de fere mut pur sa preere ;
si commencerai la premere
des fables ke Esopus escrist,
que a sun mestre manda e dist.