Abstemius 147

De vrso qvi vxori ocvlvm ervit

VRsus dum forte cum uxore rixaretur, oculum illi eruit. Sed postea pœnitens tanto dolore affectus est, ut ungues sibi mordicus præcideret. Deinde quom inter loquendum diceret, præ suo in Vrsam amore, se propriis armis exuisse. « Quid inquit uxor istud luscæ mihi nunc prodest ? Antequam oculum mihi erueres istud faciendum fuit. » Fabula indicat post illatas iniurias seram esse pœnitentiam, quom facta infecta fieri non possint.