Abstemius 140

De gallinæ pvllo matri non obseqvente vnde a milvo raptvS est

GAllina pullos complures habens uehementer extimescebat, ne sibi a miluo surriperentur. Vnde sæpe eos sub ala uiso miluo congregans, ab inimica alite tutabatur. Sed quadam die Miluum ad se accedentem conspicata filios conuocauit qui omnes propere ad uocem matris currentes salui facti sunt, uno duntaxat excepto, qui matris uoce contempta, dum granum tritici esse cupit, per æra curuis Vnguibus a sæua aue raptus est. Fabula indicat, qui parentum imperio non obsequuntur, in maximas calamitates incidere.