Abstemius 122

De mvliere ob tvrdos verberata

VIr quidam iracundus emens merulas dederat uxori coquendas dicens « Coque hos turdos », cui uxor « Merulæ sunt non turdi. » Quom autem maritus contenderet esse▶ turdos, nec uxorem posset inducere, ut turdos ◀esse▶ assentiretur, plurimis eam uerberibus affecit. Exacto autem anno, quom dies certaminis illuxisset, mulier uerberum memor « Hæc est inquit illa dies qua me superiori anno ob illas maledictas merulas tam male tractasti. » « Adhuc inquit uir negare audes illos fuisse turdos ? » Et quom rursus mulier uiro non cederet, iterum uapulauit, sicque quotannis eadem die redeunte uapulabat. Fabula indicat stultum ◀esse aduersus potentiores se ob minimam rem uelle contendere.