Astemio, Lorenzo. (1495) Hecatomythium primum - Hecatomythium secundum « [Hecatomythivm primvm] — Abstemius 88. De eqvo incvlto sed veloci et cæteris evm irridentibvs » p. 
/ 42
Astemio, Lorenzo. (1495) Hecatomythium primum - Hecatomythium secundum « [Hecatomythivm primvm] — Abstemius 88. De eqvo incvlto sed veloci et cæteris evm irridentibvs » p. 

Abstemius 88

De eqvo incvlto sed veloci et cæteris evm irridentibvs

EQui complures ad circenses ludos fuerant adducti pulcherrimis phaleris ornati, præter unum quem cæteri ut incultum, et ad huiusmodi certamen ineptum irridebant, nec unquam uictorem futurum opinabantur. Sed ubi currendi tempus aduenit, et dato tuba signo cuncti e carceribus exiliere, tum demum innotuit, quanto hic paulo ante irrisus cæteros uelocitate superaret. Omnibus enim aliis post se longo interuallo relictis palmam assecutus est. Fabula indicat non ex habitu, sed ex uirtute homines iudicandos.

▲