Abstemius 59

De avibvs plvres reges eligere volentibvs

AVes consultabant de pluribus regibus eligendis, quom Aquilla tantos uolucrum greges sola regere non posset, fecissentque uoto satis, nisi cornicis monitu a tali consilio destitissent. Quæ quum causam rogaretur, cur non plures reges duceret eligendos, « Quia difficilius inquit plures quam▶ unus saccus impletur. » Hæc fabula docet longe melius esse ab uno ◀quam a multis principibus gubernari.