Abstemius 37

De avibvs scarabæos timentibvs

MAgnus timor aues incesserat ne Scarabæi arcu pilari eas occiderent, a quibus magnam pilarum uim in sterquinilio summo labore fabricatam audierunt. Tunc passer « Nolite inquit expauescere. Quo modo enim pilas in nos per æra uolantes iacere poterunt, quum eas per terram magno molimine uix trahant ? » Hæc fabula nos admonet, ne hostium opes extimescamus, quibus deesse uidemus ingenium.