Abstemius 35

De gliribvs qvercvm ervere volentibvs

GLires quercum arborem gladiferam dentibus eruere destinauerant quo paratiorem haberent cibum ne uictus gratia totiens ascendere et descendere cogerentur. Sed quidam ex eis, qui ætate et usu rerum, ac prudentia cæteros longe anteibat, eos absterruit dicens. « Si nutricem nostram nunc interficiemus quis futuris annis nobis ac posteris nostris alimenta præbebit ? » Fabula hæc monet uirum prudentem debere non modo præsentia intueri uerum etiam futura longe prospicere.