Abstemius 11

De trabe et bobvs eam trahentibvs

TRabs ulmea de bobus conquerebatur, dicens. « Ingrati ego multo tempore meis uos frondibus alui. Vos uero me nutricem uestram per saxa et lutum trahitis. » Cui boues « Gemitus suspiriaque nostra et stimulus, quo pungimur te docere potest, quod te trahamus inuiti. » Ignouit trabs. Hæc nos docet fabula, ne in eos excandescamus, qui non sua sponte nos lædunt.