Abstemius 8

De asino et vitvlo

ASinus et Vitulus in eodem pascentes prato sonitu campanæ hostilem exercitum aduentare præsenserant. Tum Vitulus « Fugiamus hinc o Sodalis inquit▶ ne hostes nos captiuos abducant. » Cui asinus « Fuge tu ◀inquit quem hostes occidere et esse consueuerunt. Asini nihil interest, cui ubique eadem ferendi oneris est proposita conditio. » Hæc fabula seruos admonet ne dominos magnopere mutare formident, modo prioribus deteriores futuri non sint.