Abstemius 4

De aranea et irvndine

ARanea in hirundinem excandescens, quæ muscas, qui suus est cibus, capiebat, rhætia in foribus, per quas uolitare solebat, ut eam caperet, suspenderat. Irundo uero aduolans rhetia cum textrice per æra portabat. Tunc Aranea in ære pendens, et se iam iam perituram intelligens, « Quam iustæ [sic] hæc patior dicebat, quæ minima uolatilia magno labore uix capiens credidi tam magnas aues posse comprehendere ? » Hac admonemur fabula ne uiribus maiora aggrediamur.